Það eru margir að leita, ég var einn af þeim.

Það eru margir sem tengja Páskana við endurfæðingu, vegna sögunar um upprisu Krists, en eggið sem er áberandi á þessum tíma er einmitt tákn um endurfæðingu. Kristur talar um að maður þurfi að fæðast aftur, þar er hann að mínum skilningi að tala um að við þurfum að verða öðruvísi, fara að virka á nýjan hátt, þetta hefur vafist fyrir mörgum, sem finna í hjarta sínu að þeir ættu kannski að gera ýmislegt á annan hátt en þeir gera núna.

Kristur talar einnig um að sannleikurinn muni gera okkur frjáls, en það er þá vandamálið að þekkja sannleikann, en að mínum skilningi er það í gegnum tengingu okkar við andan í hjarta okkar sem við getum skynjað sannleikan, það er það sem Kristur talar einmitt um, að við þurfum að tengjast andanum, en andinn er þá okkar raunverulega sjálf, en með tengingu við andan er hægt að finna ræturnar þar sem sannleikurinn á uppruna sinn. Í vestræni hefð heitir þetta innsæi, sem er ekki það sama og bókvitið, en bókvitið gerir þig ekki frjálsan á sama hátt og sannleikur andans að mínum skilningi.

Þetta er svokölluð sjálfsvitundar vakning, sem ekki fæst við bóklestur heldur eingöngu í gegnum vakningu, sem gerir þig meðvitaðan um andan, nokkuðn sem ég get ekki útskýrt þar sem ég skil þetta ekki sjálfur að fullu, maður þarf að biðja um vakninguna. Ég vissi ekki hvers syldi leita. Til að einfalda get ég sagt að þegar þú ert komin á þennan stað þá veistu hvar þú ert og hver þú ert.

Hér talar Shri Mataji stofnandi Sahajayoga um sannleikan, það er rétt að hafa í huga að í Sahajayoga er ekki gert ráð fyrir blindri trú á það sem sagt er, það á líka við um Shri Mataji, það er samt nauðsynlegt að hlusta og lesa til að finna leiðinna:

https://youtu.be/xHXPiqLDMnc

 

 

Athugasemdir

[Loncexter, 3.4.2021 kl. 18:45]

Með hjálp internetsins tókst mér smátt og smátt að sía út villutrú og allskonar falsboðskap og isma. Eftir stóð svo Nýja Testamenntið og boðskapur þess. Ekki furða að Jesú þorði að gefa þetta út: ÉG er vegurinn sannleikurinn og lífið, og enginn kemst til föðurins nema fyrir trú á mig.

[Tómas Ibsen Halldórsson, 4.4.2021 kl. 00:09]

Sannleikurinn mun sannanlega gera okkur frjáls þegar við leitum sannleikans, hlustum á hann og tökum orð hans trúanleg. Hver er þá sannleikurinn??? Jesús Kristur er sannleikurinn. Til að öðlast sannleikann þurfum við að trúa á Hann, hlusta á Hann, lesa Orð Hans og biðja Hans Heilaga Anda að uppfræða okkur um Hann, Jesú. Jesús kom til að frelsa okkur frá syndum okkar, en það eru þær sem leiða til dauða.

En hver er þá dauðinn??? Dauðinn er og þýðir í raun aðskilnaður. Þegar við deyjum þessu jarðneska lífið verður aðskilnaður sálar okkar við líkamann. Drottinn sagði við Adam í aldingarðinum að hann muni vissulega deyja eti hann af skilningstré góðs og ills. Þegar þau Eva og Adam átu af trénu dóu þau strax, þ.e.a.s. samfélag þeirra við Guð sem var náið dó, því var lokið.

Jesús sagði við Mörtu: Sá sem trúir á mig mun lifa þótt hann deyi og sá sem lifir og trúir á mig mun aldrei að eilífu deyja. Þetta þýðir það að með trú okkar og samfélagi okkar við Lifandi Guð mun hið eina sem gerist við dauða okkar jarðneska líkama vera það að við höldum áfram að lifa í nánu samfélagið við Guð föður okkar og Drottinn okkar og frelsara sem er Jesús Kristur en án líkamans.

Jesús Kristur er eina von okkar mannanna til að öðlast eilíft líf. Og við skulum minnast þess að Hann er réttlátur og sannur, Hann þekkir hvern einstakling út í gegn, þannig að börn sem aldrei hafa lært að skilgreina gott frá illu eða fólk sem aldrei hefur heyrt fagnaðarerindið en hefur samt lifað eftir lögmáli lífsins munu fá að ganga inn í dýrðina með Drottni. En þeir sem hafna lögmáli lífsins anda og hafna frelsara okkar Jesú Kristi munu lenda þar sem allt hið gagnstæða við Guð og kærleika Hans mun ríkja, það er hinn sanni dauði aðskilnaður frá Guði um eilífð, Jesús sagði: þar mun vera grátur og gnístran tanna. Það er alvarlegt hlutskipti.

[Daði Guðbjörnsson, 4.4.2021 kl. 13:21]

Hann fyrirgefur þeim sem ekki vita hvað þeir eru aðgera, hann talar líka um hversvegna hann fer og hvað síðar mun gerast. Gleðilega Páska.